Kolli Hills – तुम्हाला माहित आहे का निसर्गाच एक गुपित….

तामिळनाडूच्या नामक्कल जिल्ह्यामध्ये वसलेलं “कोल्ली हिल्स “ हे ठिकाण निसर्गप्रेमी आणि साहसी प्रवाश्यांसाठी एक स्वर्ग आहे. हे हिल्स हिरव्यागर दऱ्या, 70 वळणे असलेला रोमांचक घाट, धबधबे, मंदिरे आणि तेथील स्थानिक आदिवासी संस्कृती यामुळे हे ठिकाण ओळखले जाते. Kolli Hills ला “Mountain of Death” असेही म्हटले जाते. प्राचीन कथांनुसार या भागात अनेक रहस्यमय गोष्टींच्या कथा सांगितल्या जातात. मात्र आज हे ठिकाण निसर्गप्रेमी, बाइक रायडर्स आणि साहसी प्रवाशांसाठी आकर्षणाचे केंद्र बनले आहे.

1. या हिल्सवरती 70 हेअरपीन बेंड्स म्हणजेच वळण आहेत आणि हे प्रत्येक वळण एक रोमांचक अनुभव देऊन जाते.

2. इथे 300 फूट उंचीवरून कोसळणारा अगया धबधबा /अरपाळी धबधबा आहे. हा धबधबा म्हणजे पर्यटकांसाठी निसर्गसौदर्यांची मोठी मेजवानीच आहे.

3. या ठिकाणी सिल्वर-ओक, चहा- कॉपी, मसाला, औषधी वनस्पती मोठ्या प्रमाणात पिकवल्या जातात.

4. पर्वतदेवतेला समर्पित असलेलं कोल्लीपवई हे प्राचीन धार्मिक मंदिर महत्वाचं केंद्र मानलं जात.

5.इथे गेल्यावर आपल्याला तेथील स्थानिक आदिवासी संस्कृती, पारंपरिक नृत्य, संगीत आणि खास अश्या खाद्यपादार्थांचा अनुभव घ्यायला मिळतो.

6. हे हिल्स जवळपास 4267 फूट. (1300m)उंचीवर असून इथे सलग 70 हार्पिन वळण आहेत. या कारणामुळे हे हिल्स “माउंटन ऑफ डेथ” या नावाने देखील ओळखली जातात.

1. या ठिकाणी भेट देण्यासाठी ऑक्टोबर ते मार्च हा काळ प्रवासासाठी एकदम उत्तम आहे. या काळामध्ये वातावरण हे थंडगार आणि एकदम सुखद असं असल्याने आपल्याला ट्रेकिंग आणि निसर्गदर्शनाचा पुरेपूर आनंद घेता येतो.

2. जुलै ते सप्टेंबर मध्ये पावसामुळे तिथले धबधबे उफाळून येतात. या काळात तिथे लाव्हरी असं निसर्गसौदंर्य पाहायला मिळत.

3. एप्रिल ते जून या कालावधीमध्ये उन्हाळा असल्यामुळे प्रवास करणं थोडं अवघड होऊ शकत.

तस तर वर्षभर आपण भेट देऊ शकतो परंतु, जानेवारी महिन्यात या ठिकाणी कडाक्याच्या थंडीमुळे येथील ठिकाणे ही अल्प प्रमाणात बंद असू शकतात.

येथील वाळणांच्या रस्त्यावर फारशी गर्दी नसल्यामुळे इथे घेतलेला राईडचा अनुभव हा आनंददायी ठरतो. डोंगराच्या शांततेतून बाईक चालवताना मिळणार स्वातंत्र्य आणि ती भावना अनेक रायडर्स साठी खूप खास असते. म्हणूनच या ठिकाणाला बाईक रायडर्स साठीचा स्वर्ग असं म्हटलं जात.

Kolli Hills हे ठिकाण निसर्गासाठी तर प्रसिद्ध आहेच परंतु  तेथील स्थानिक संस्कृती आणि खाद्यपदार्थ देखील तितकेच प्रसिद्ध आहेत. त्यांच्या जीवनशैलीतून तिथल्या पारंपारिक तामिळ संस्कृतीची झलक दिसून येते. इडली, डोसा, सांबर, रसम, लिंबू भात, नारळापासून बनणारे पदार्थ हे पदार्थ सगळीकडे भेटतात परंतु स्थानिक चव किंवा एक प्रकारची ओरिजनल चव ही काही वेगळीच असते. त्याची तुलना कशाशिच होऊ शकत नाही.

येथील नैसर्गिक मध आणि herbal product पण खूप लोकप्रिय आहेत. अनेक पर्यटक तिथला नैसर्गिक मध, औषधी वनस्पती आणि मसाले हे घेऊनच जातात.

धाडसी लोकांसाठी इथला ट्रेकिंगचा अनुभव हा अत्यंत रोमांचक ठरतो. Kolli hills चा प्रत्येक रस्ता हा निसर्गाच्या सौंदर्याने नटलेला आहे. ट्रेकिंग करताना पक्षांचे मधुर आवाज, थंड वातावरण आणि शांतता यापासून एक वेगळीच ऊर्जा आपल्याला मिळते.

Agaya Gangai Waterfall हा तिथला प्रसिद्ध ट्रेकिंग पॉईंट आहे. इथे पोहचण्यासाठी शेकडो पायऱ्या आहेत. इथे जंगल ट्रेकिंग, camping आणि nature walk सारख्या activities उपलब्ध आहेत.

फोटोग्राफीसाठी हे ठिकाण एखाद्या स्वर्गपेक्षाही कमी नाही. त्यामुळे इथे येऊन गेलेला पर्यटक हा अनुभव आयुष्भरसाठी जपून ठेवतो.

या डोंगरातील सत्तर वळणं आपल्याला जीवनाचीही आठवण करून देतात. जीवनाचा प्रवास सरळ नसतो; त्यातही अनेक वळणं, चढ-उतार आणि आव्हानं असतात.

पण प्रत्येक कठीण वळणानंतर सुंदर दृश्य दिसतं — अगदी जीवनासारखंच.

Kolli Hills म्हणजेच निसर्ग, अध्यात्म आणि साहस यांच सुंदर मिश्रण. शहरी जीवनापासून दूर, स्वतःला ओळखण्यासाठी आणि निसर्गाशी आपल नातं जपण्यासाठी हे एक योग्य असं ठिकाण आहे. त्यामुळे आयुष्यात एकदा तरी या ठिकाणाला अवश्य भेट द्या.

Kolli Hills हे निसर्ग, रोमांच आणि शांततेचा अप्रतिम संगम असलेले ठिकाण आहे. सत्तर वळणांचा थरारक प्रवास, धुक्याने भरलेले डोंगर, सुंदर धबधबे आणि घनदाट जंगलं यामुळे येथे येणारा प्रत्येक प्रवासी एक वेगळाच अनुभव घेऊन परततो. बाइक रायडिंग, ट्रेकिंग, कॅम्पिंग आणि निसर्ग निरीक्षण यांसारख्या साहसी गोष्टींमुळे Kolli Hills हे साहसप्रेमींसाठी स्वर्ग मानले जाते. त्याचबरोबर येथील साधी स्थानिक संस्कृती, शांत वातावरण आणि नैसर्गिक सौंदर्य मनाला खऱ्या अर्थाने विश्रांती देते. जीवनातील धावपळ आणि तणावापासून दूर जाऊन निसर्गाच्या जवळ काही क्षण घालवायचे असतील, तर Kolli Hills हे निश्चितच एक परिपूर्ण पर्यटनस्थळ आहे.